वीरगन्ज १६ चैत
वीरगंज नर्सिङ क्याम्पस स्वतन्त्र विद्यार्थी युनियनमा निर्वाचितहरूलाई शुक्रवार कार्यक्रमको आयोजना गरी प्रमाणपत्र वितरण गरिएको छ ।क्याम्पस सभाहलमा आयोजित कार्यक्रममा प्रमुख निर्वाचन अधिकृत अञ्जुकुमारी महतोले निर्वाचित अध्यक्ष आरजु राय, सचिव मन्दिरा चिमोरिया, कोषाध्यक्ष आशिका पौडेल र सदस्यहरू यशोदा विष्ट, अनीता श्रेष्ठ, विशेषता शाही, प्रदिल घिसिङ र चाँदनी यादवलाई प्रमाणपत्र वितरण गरेकी थिइन् ।
यो क्याम्पसमा सचिवमा चिमोरिया नेविसङ्घबाट निर्वाचित भएकी हुन् भने अध्यक्षलगायत सबै पदमा अनेरास्ववियुका उम्मेदवारहरू विजयी भएका छन् । कार्यक्रममा क्याम्पस प्रमुख कल्पना पौडेललगायतको सहभागिता थियो ।
प्रतिक्रिया